Դեմոկրատ Ջո Բայդընը չորեքշաբթի օրը կստանձնի ԱՄՆ-ի նախագահի պաշտոնը: Այն բանից հետո, երբ նախագահ Դոնալդ Թրամփը սկսեց հարցականի տակ դնել ընտրությունների արդյունքը եւ առաջնորդել իր աջակիցների բողոքի ցույցերը, որոնք հանգեցրին Կապիտոլիումի մոտ բռնությունների, Կոնգրեսի շենքը վերածվեց մի ամրոցի, երդման արարողության համար կառուցված բեմը դարձավ անհասանելի: Այսօր այստեղ են տեղակայված Ազգային գվարդիայի 25 հազար թվակազմով ուժեր:

Ի տարբերություն Թրամփի, որը մինչեւ նախագահի պարտականությունները ստանձնելը խոշոր գործարար էր, նախագահի պաշտոնում ընտրված Ջո Բայդընը քաղաքական փորձառու գործիչ է, որն ասում է, թե ինքը լավ գիտի, թե ինչպես է աշխատելու կառավարությունը:

Բայդընը ընտրովի պաշտոններ է զբաղեցնում արդեն հիսուն տարի: Երկու ժամանակահատված զբաղեցրել է երկրի փոխնախագահի պաշտոնը: Մինչ այդ Դելավեր նահանգի ընտրողները նրան վեց անգամ ընտրել են ԱՄՆ-ի սենատոր:

Որպես սենատոր առաջին ընտրությունից մեկ ամիս անց էր, որ նրա կինն ու դուստրը զոհ գնացին ավտովթարին, ինչի արդյուքում նրա երկու որդիները ստացան մարմնական լուրջ վնասվածքներ: Սենատոր Բայդընն ամեն օր մեկ եւ կես ժամ Վաշինգտոնից պիտի գնացքով մեկներ Դելավեր, իր որդիների մոտ գտնվելու համար: Վիլմինգթոնի երկաթուղային կայարանն այդ պատճառով անվանել են Բայդընի անունով:

Բայդընը անեւրիզմայի համար երկու անգամ ենթարկվել է ուղեղի վիրահատության: 2015 թվականին, երբ նա երկրի փոխնախագահն էր, ավագ որդին մահացավ ուղեղի քաղցկեղից:

Ջո Բայդընն ու նրա կինը`Ջիլ Բայդընը, որը քոլեջի դասախոս է, բնակվում են 70 հազար ազգաբնակչություն ունեցող Վիլիմինգթոնում, որտեղ մարդիկ նրան անվանում են ‘’մեր քաղաքի տղա’’: Նրան այստեղ գիտեն նաեւ որպես ‘’Քորվեթ’’ մակնիշի ավտոմեքենայի սիրահար, որը ժամանակ առ ժամանակ պարզապես վարում է այն քաղաքի փողոցներով:

Սակայն դրա համար ժամանակ արդյո՞ք կգտնի Բայդընը, որը երկրի նախագահի պաշտոնն է պատրաստվում զբաղեցնել 78 տարեկան հասակում, դառնալով ԱՄՆ-ի պատմության մեջ այս պաշտոնն ամենամեծ տարիքում ստանձնած նախագահը:

Շատերը հույս ունեն, որ պատկառելի տարիքը նաեւ նրան կօգնի դառնալ հայր` մասնատված հասարարկությունը միավորելու գործում:

https://www.amerikayidzayn.com/a/5743479.html