Դրա մասին իր պաշտոնական թվիթերյան էջում գրառում է արել ֆիլմի պրոդյուսեր Էրիկ Իսրայելյանը:

«Ուրախ ենք հայտնել, որ Նեթֆլիքսը «Խոստումը» ֆիլմը ցուցադրելու հեղինակային իրավունք է ստացել: Շնորհակալ ենք բոլորին աջակցության համար: Կարծում ենք, որ այսպես ավելի կմեծանա մարդկանց տեղեկացվածությունը: Մեծահոգության համար շնորհակալ ենք մեր սիրելի ընկեր և բարերար Քըրք Քըրքորյանին, որի անսահման առատաձեռնության շնորհիվ մեր թիմը հատուկ նկարահանել է այս ֆիլմը և մեր պատմական փաստագրական անալոգը ՝ նպատակ ունենալով ամերիկացի օրենսդիրներին ստիպել մեկընդմիշտ ճանաչել Հայոց ցեղասպանությունը»,-գրել է նա:

Պրոդյուսերի խոսքով` իրենք կատարել են այս առաքելությունը բազմաթիվ աջակիցների և սոցիալական քարոզարշավի շնորհիվ: «Մարդու իրավունքները խախտողների կամ նրանց կամակատարների ոչ մի ժխտում չի վերացնի այդ փաստը։ Մենք ֆիլմերից ստացվող եկամուտները հատկացրել ենք ԱՄՆ-ում, Հայաստանում և այլ երկրներում գործող կրթության, առողջապահության, գիտության, մարդու իրավունքների, սոցիալական ծառայությունների, մշակույթի և շատ այլ ոլորտների բարեգործական կազմակերպություններին` ի լրումն Կոնգրեսի ճանաչման: Մենք ձգտում էինք կառուցել թանգարաններ և օգտագործել ֆիլմերը որպես մեկնակետ՝ ի պատասխան ապատեղեկատվության:

Ֆիլմի ցուցադրությունը սկսվելու է օգոստոսի 8-ից։

Ավելի վաղ «Արմենպրես»-ի թղթակցի հետ զրույցում նա նշել էր, որ Ֆիլմի գլխավոր նպատակն է պատմել մեր պատմությունը՝ հնարավոր տեսանելի մեխանիզմներով: «Մենք ցեղասպանության պատմական փաստերի մասին հիանալի գրքեր ունենք, բայց նաև պետք է օգտագործենք տեխնոլոգիաները, ֆիլմարտադրությունը՝ այդ պատմությունն աշխարհին ցույց տալու համար: Նպատակը պարզապես ֆիլմ ստեղծելը չէր, այլ մարդկանց տեղյակ պահելը: Մենք սոցիալական շարժում էինք սկսել՝ «Պահպանենք խոստումը» (#KeepThePromise), Քըրքորյանը խոստացավ ֆինանսավորել ֆիլմը, մենք խոստացանք ֆիլմն ավարտին հասցնել, երբեք չմոռանալ Հայոց ցեղասպանությունը, և մենք հիմա պետք է խոստանանք երբեք թույլ չտալ այլ մարդկանց նկատմամբ կրկին ցեղասպանություն գործել: Շատ քիչ ֆիլմեր կան, որոնք փաստացի այդքան կյանք ու ազդեցություն ունեն, որքան «Խոստումը» ունի այսօր»,-ընդգծել էր նա:

https://www.amerikayidzayn.com/a/5528542.html