Հիվանդանոցային պայմաններում բուժում ստանալու կարիք ունեցող կորոնավիրուսով վարակված անձանց 40 տոկոսը 20-ից 54 տարեկան անձինք են: Սակայն այս հիվանդությունից մահանալու ամենամեծ վտանգի տակ են ավելի տարեցները:

Կորոնավիրուսով վարակված հիվանդների

Ինչպես տեղեկացնում է ‘’Նյու Յորք թայմս’’ պարբերականը, հենվելով Հիվանդությունների կանխարգելման կենտրոնի կողմից հրապարակված զեկույցի վրա, Միացյալ Նահանգներում հոսպիտալացված 508 հիվանդների 38 տոկոսը շատ երիտասարդներն են: Վերակենդանացման բաժիններ տեղափոխված 121 հիվանդների կեսը մինչեւ 65 տարեկան անձինք են:

Ինչպես Կոլումբիայի համալսարանի դասախոս Ստիվըն Մորսն է ասում, չի կարելի վստահել միայն տարիքին: ‘’Հիվանդությանը շատ լրջորեն պիտի մոտենան նաեւ երիտասարդները, քանի որ տարիքը շատ դեպքերում չի ապահովում լիակատար դիմադրողականություն’’, ասում է նա:

Այս զեկույցի, ինչպես նաեւ Իտալիայում ու Ֆրանսիայում անցկացված հետազոտությունների վրա հիմնվելով, Սպիտակ տունը հորդորեց հազարամյակի սերնդի ներկայացուցիչներին հրաժարվել մեծ խմբերով հավաքույթներից ու զբաղվել իրենց իսկ պաշտպանությամբ:

‘’Նյու Յորք թայմս’’-ն այնուհետեւ գրում է, որ հոսպիտալացվածների 20 եւ վերակենդանացման բաժիններ տեղափոխվածների 12 տոկոսը 20-ից 44 տարեկան անձինք են:

Այս տվյալները, ըստ թերթի, ներկայացնում են ԱՄՆ-ում կորոնավիրուսի տարածման առաջին օրերի պատկերը, որոնց մեջ չեն մտնում Չինասստանից կամ Ճապոնիայից այստեղ ժամանած անձանց տվյալները:

Զեկույցը չի անդրադարձել այն խնդրին, թե արդյոք հիվանդանոց տեղափոխված երիտասարդ անձանց մեջ եղել են վարակների նկատմամբ խոցելի անձինք, թե ոչ: Այնպես որ, ասված է զեկույցում, բոլոր տարիքի չափահաս անձինք են խոցելի այս հիվանդության համար, եւ որ նրանք բոլորը պիտի հոգ տանեն իրենք իրենց համար, ինչպես նաեւ մտածեն ուրիշներին չվարակելու մասին:

Ինչ վերաբերում է 19-ից ցածր տարիք ունեցողներին, այս վիրուսով վարակվածների միայն մեկ տոկոսն է հոսպիտալացվել ու չի գրանցվել որեւէ զոհ նրանց շրջանում: Բացառություն է կազմել Չինաստանում 14 տարեկան այն տղան, որը դարձավ այս վիրուսի զոհը:

Ինչպես զեկույցի հեղինակներն են ասում, այս զեկույցը կազմվել է հիվանդության տարածման վաղ շրջանում, երբ ուսումնասիրված հիվանդների մի մեծ մասը դեռեւս չի ապաքինվել ու դեռ հայտնի չէ նրանց ապագան: Այնպես որ, ասում են հեղինակները, ներկայացված թվերը հարաբերական են ու նախնական:

https://www.amerikayidzayn.com/a/5335682.html