Ամերիկացի 65 կոնգրեսականներ կոչ են անում ավելի քան 100 միլիոնի ուղղակի օգնություն տրամադրել Հայաստանին և Ղարաբաղին

Wednesday, April 28, 2021

Միացյալ Նահանգների Ներկայացուցիչների տան 65 անդամներ նամակով դիմել են Կոնգրեսի արտաքին հատկացումների ենթահանձնաժողովի ղեկավարությանը՝ կոչ անելով հաջորդ ֆինանսական տարում Հայաստանին և Լեռնային Ղարաբաղին ավելի քան 100 միլիոն դոլարի ուղղակի օժանդակություն տրամադրել։

Կոնգրեսականների համոզմամբ` այդ օգնությունը թույլ կտա Հայաստանին և Ղարաբաղին հաղթահարել պատերազմի հետևանքները՝ մասնավորաբար մի շարք ծրագրեր իրականացնել բնակարանաշինության և ենթակառույցների վերականգնման նպատակով։ Կոնգերսականների համոզմամբ` Վաշինգտոնը՝ Պետդեպարտամենտի և Զարգացման ամերիկյան գործակալության(USAID) միջոցով Հայաստանին շուրջ 100 միլիոն դոլար պետք է հատկացնի, ինչը «թույլ կտա ապահովել տնտեսության զարգացումը, օրենքի գերակայությունն ու երկրի անվտանգությունը»։ Եվս 2 միլիոն դոլար, ըստ կոնգրեսականների, հարկավոր է հատկացնել Ստեփանակերտին` «Լեռնային Ղարաբաղում սովորական սպառազինությունների վերացման նպատակով»։

Նամակի հեղինակները նաև կոչ են անում պաշտոնական Վաշինգտոնին սառեցնել անվտանգության ոլորտում Ադրբեջանին տրամադրվող օգնությունը, «քանի դեռ այդ երկիրը չի դադարեցրել հարձակումները Հայաստանի և Արցախի դեմ»։

https://www.azatutyun.am/a/31227822.html

First Name:*
Last Name:*
E-mail:*
Password:*
Confirm password:*

Please enter your email to recover your password
E-mail:*

Login Form

Registration Form

Ամերիկացի 65 կոնգրեսականներ կոչ են անում ավելի քան 100 միլիոնի ուղղակի օգնություն տրամադրել Հայաստանին և Ղարաբաղին