Աշխարհի չեմպիոն, Եվրոպայի կրկնակի չեմպիոն Արթուր Դավթյանը  Խորվաթիա Օսիեկ քաղաքում անցկացվող սպորտային մարմնամարզության World Challenge Cup մրցաշարում եւս մեկ գործիքի եզրափակիչ է դուրս եկել։

World Challenge Cup-ի երկրորդ  մրցումային օրն անցկացվեց հենացատկի եւ օղակների վարժության որակավորման փուլերը, որոնց Հայաստանի հավաքականից մասնակցեցին Արթուր Դավթյանը, Արթուր Ավետիսյանն ու Արթուր Թովմասյանը:

Հենացատկի վարժությունում այս վարժության աշխարհի եւ Եվրոպայի գործող չեմպիոն Արթուր Դավթյանը վաստակեց 14,675 միավոր եւ դուրս եկավ եզրափակիչ։

Օղակների վարժությունում եզրափակիչ դուրս եկան Արթուր Ավետիսյանն ու Արթուր Թովմասյանը: Նախորդ՝ Վառնայի World Challenge Cup-ի օղակների վարժության ոսկե մեդալակիր Արթուր Ավետիսյանը վաստակեց 14,800 միավոր: Մարզական կարիերայում տեւական դադարից հետո մրցահարթակ վերադարձած Արթուր Թովմասյանը որակավորման փուլը հաղթահարեց 13,750 միավորով:

Հակոբ Սերոբյանի գլխավորած թիմը 4 մասնակցով Խորվաթիայի մրցաշարում կունենա  եզրափակիչի 6 մասնակից:

Տոկիոյի Օլիմպիական խաղերի բրոնզե մեդալակիր Արթուր Դավթյանը մրցումային առաջին օրը եզրափակիչ էր դուրս եկել նաեւ նժույգ թափեր եւ զուգափայտ վարժություններում եւ հունիսի 10-11-ին կմասնակցի 3 եզրափակիչների։

Նժույգ թափերի եզրափակիչում մեդալի համար կպայքարի նաեւ Գագիկ Խաչիկյանը:

Սպորտային մարմնամարզության կանանց Հայաստանի հավաքականի միակ ներկայացուցիչ Մանե Պողոսյանը երկրորդ մրցումային օրը մասնակցեց նաեւ հավասարակշության գերան եւ ազատ վարժությունների որակավորման փուլերին, բայց չկարողացավ դուրս գալ եզրափակիչ: Հավասարակշռության գերան վարժությունում վաստակեց 10,466 միավոր, ազատ վարժություններում՝ 11,400 միավոր: բայց  չհաղթահարեց հենացատկի վարժության որակավորման փուլը։

Եզրափակիչները տեղի կունենան հունիսի 10-ին եւ 11-ին։

https://sport.news.am/arm/news/141165/