Սան Դիեգոն ապրիլի 24-ը հայտարարել է Հայոց ցեղասպանության հիշատակի օր

Thursday, April 6, 2023

Սան Դիեգոյի շրջանային վերահսկիչ խորհուրդն ապրիլի 4-ին միաձայն ընդունել է հռչակագիր՝ 2023 թ.-ի ապրիլի 24-ը հայտարարելով Հայոց ցեղասպանության հիշատակի օր։ Այս մասին հաղորդում է «Արմենպրես»-ը՝ վկայակոչելով «Ասպարեզ»-ին:

Հռչակման արարողությունը վարում էր Սան Դիեգոյի շրջանային տեսուչ Ջոել Անդերսոնը խորհրդի նախագահ Նորա Վարգասի հետ միասին: Միջոցառմանը ելույթ են ունեցել նաև Սուրբ Սարգիս հայկական եկեղեցու հովիվ վերապատվելի Բագրատ Բերջեկյանը, համայնքի ակտիվիստ և փաստաբան Ջոն Դադյանը, Սուրբ Սարգիս հայկական եկեղեցու խորհրդի անդամ Քեթի Քասարջյանը և Սան Դիեգոյի շրջանային դատախազ Սամեր Ստեֆանը:

Վերապատվելի Բերջեկյանն իր խոսքում շնորհակալություն է հայտնել Սան Դիեգոյի շրջանային վերահսկիչ խորհրդին Հայոց ցեղասպանությունը հիշատակելու համար՝ հատկապես հաշվի առնելով Արցախի հայ բնակչության էթնիկ զտումների և ցեղասպանության վերահաս սպառնալիքը, որի պատճառն Ադրբեջանի շարունակական շրջափակումն ու ագրեսիան է:

Սան Դիեգոյի հայ համայնքը նույնպես ողջունել է վերահսկիչ խորհրդի այս նախաձեռնությունը:

https://armenpress.am/arm/news/1108091.html

First Name:*
Last Name:*
E-mail:*
Password:*
Confirm password:*

Please enter your email to recover your password
E-mail:*

Login Form

Registration Form

Սան Դիեգոն ապրիլի 24-ը հայտարարել է Հայոց ցեղասպանության հիշատակի օր