Մարդու իրավունքների եվրոպական դատարանը (ՄԻԵԴ) Հայաստանին և Ադրբեջանին կոչ է արել Լեռնային Ղարաբաղի շուրջ հակամարտության ընթացքում գերեվարված անձանց նկատմամբ հետևել միջազգային չափանիշներին: Ստրասբուրգի դատարանի համապատասխան հայտարարությունը չորեքշաբթի ստացվել է ՏԱՍՍ-ի փարիզյան ներկայացուցչությունը:

Դատարանը նշել է, որ «շատ դիմումներ է ստացել կոնկրետ գերիների վերաբերյալ ինչպես իշխանություններից, այնպես էլ հարազատներից » և երկու երկրների կառավարություններին խնդրել է տեղեկատվություն տրամադրել, թե արդյոք այդ անձինք գերի են վերցվել ։

«Եթե դա այդպես է, ապա դատարանը խնդրում է հայտնել, թե ինչ պայմաններում են նրանք այժմ պահվում, անցնո՞ւմ են արդյոք բժշկական հետազոտություն կամ բուժում»,- նշվում է հաղորդագրության մեջ:

«Դատարանը հիշեցնում է զինված հակամարտության ժամանակ գերեվարված անձանց պաշտպանության միջազգային մեխանիզմների գոյության մասին և երկու կողմերին կոչ անում մասնակցել համապատասխան ընթացակարգերին»,- նշվում է հայտարարության մեջ:

Միաժամանակ ՄԻԵԴ-ում տեղեկացրել են, որ չեն նախատեսում Հայաստանի և Ադրբեջանի նկատմամբ լրացուցիչ միջոցառումների մասին նոր որոշումներ կայացնել:

«Դատարանը հաստատում է արդեն կայացված որոշումները և նոր միջոցառումների պատճառ չի տեսնում», – ընդգծվում է փաստաթղթում: ՄԻԵԴ-ում հիշեցրել են նաև կողմերին ուղղված նախորդ կոչերի մասին ՝ հրաժարվել ցանկացած միջոցներից, որոնք կնշանակեին քաղաքացիական բնակչության իրավունքների մասին կոնվենցիայի խախտում:

Դատարանը կրկին ուշադրություն է հրավիրել այն հանգամանքի վրա, որ հակամարտության մեջ ներգրավված կողմերը, ներառյալ Թուրքիան, պետք է հրաժարվեն այն գործողություններից, որոնք հակասում են հիշյալ փաստաթղթի դրույթներին և կոչ արել «կատարել այդ կոնվենցիայից բխող պարտավորությունները» ։

https://www.shantnews.am/news/view/796927.html