Տեղակայումը տեղի ունեցավ Ռուսաստանում այս երկրի արտգործնախարար Սերգեյ Լավրովի և նրա թուրք գործընկեր Մևլութ Չավուշօղլուի բանակցություններին ընդառաջ: Ակնկալվում է, որ դրանք մասամբ կկենտրոնանան Սիրիայի խնդրի վրա, որտեղ Թուրքիան աջակցում է ապստամբ զինյալներին, որոնք դեմ են նախագահ Բաշար ալ-Ասադին, իսկ Ռուսաստանն աջակցում է Ասադի ուժերին:

Թուրքիայի աջակցությունը վայելող զինյալների և քրդական ուժերի միջեւ ռազմական բախումները սկսվեցին այս ամիս Աին Իսսա քաղաքի մոտակայքում, որը գտնվում է Սիրիայի խոշոր քաղաքները կապող M4 մայրուղու վրա:

Թուրքական զորքերը և նրանց դաշնակիցները՝ սիրիացի ընդդիմադիր զինյալներն անցյալ տարի գրավեցին այս տարածքը Սիրիայի հյուսիսային և արևելյան հատվածներում տեղակայված քրդական YPG զինյալներից:

Թուրքիայի պաշտպանության նախարարության բարձրաստիճան մի աղբյուր նշել է, որ Անկարան կօգտագործի երեքշաբթի օրը կայանալիք հանդիպումը՝ YPG- ի ուժերի դուրսբերումն այստեղից պահանջելու համար, որին Անկարան որակում է ահաբեկչական կազմակերպություն:

«YPG- ն անհապաղ պետք է հեռանա Այն Իսայից: Այդ ուղղությամբ ամեն տեսակի քայլեր ձեռնարկելու պատրաստակամություն կա», - նշել է աղբյուրը` խնդրելով չհրապարակել իր անունը:

YPG- ն կազմում է Սիրիայի ժողովրդավարական ուժերի (SDF) դաշինքի ռազմական ողնաշարը, որը վերջին տարիներին ԱՄՆ ռազմաօդային ուժերի միջոցով ջախջախեց Իսլամական պետությանը Սիրիայի հյուսիս-արևելքում: Անկարան ասում է, որ YPG- ն կապ ունի Թուրքիայի հարավ-արևելքում քուրդ ապստամբների հետ:

Ռուսաստանի պաշտպանության նախարարությունը հայտնել է, որ կիրակի օրը այդ տարածք է ուղարկել ռազմական ոստիկանության ավելի մեծ ուժեր:

«Ավելի վաղ թուրքական կողմի հետ բանակցությունների ընթացքում, պայմանավորվածություն է ձեռք բերվել ռուս-սիրիական համատեղ դիտակետերի տեղակայման վերաբերյալ: Այսօր (կիրակի) Աին Իսսայի տարածք են ժամանել Ռուսաստանի ռազմական ոստիկանության լրացուցիչ ստորաբաժանումներ ՝ իրավիճակը կայունացնելու համար: », - ասված է ՌԴ պաշտպանության նախարարության հայտարարության մեջ:

Մոսկվան, որի ռազմական ինքնաթիռները նույնպես հսկում են այդ տարածքը, երկու կողմերին էլ հանդարտության կոչ արեց՝ հորդորելով դադարեցնել կրակը:

https://www.amerikayidzayn.com/a/5716034.html